კიევის ეროვნული პოლიციის უფროსმა, ანდრეი ნებიტოვმა საკუთარ ფეისბუქზე გამოაქვეყნა ჩამოგდებული რუსული დრონის ფოტო, რომელსაც რუსულად აწერია "გილოცავთ ახალ წელს".
"აი, ეს არის "მოძმე ერის" მიერ ახალი წლის მილოცვის ნაწილი! და ეს არაა ნამსხვრევები ფრონტიდან, სადაც ბრძოლები მიმდინარეობს, არამედ ისინი აქ, სპორტულ მოედანზეა, სადაც ბავშვები თამაშობენ", - წერს ნებიტოვი.
უკრაინის ხელისუფლების ინფორმაციით, ახალი წლის ღამეს ქვეყნის თავზე 45 დრონი გაანადგურეს. უკრაინელი სამხედროები არ აკონკრეტებენ, ჩამოაგდეს თუ არა ყველა გაშვებული დრონი, ან მოახერხა თუ არა ზოგიერთმა მათგანმა სამიზნემდე მიღწევა.
დახურვა